اذن وئر توی گئجه سی من ده سنه دایه گلیم
ال قاتاندا سنه مشاطه" تماشایه گلیم
سن بو مهتاب گئجه سی سئیره چیخان بیرسروال
اذن وئر من ده دالونجا سوروب سایه گلیم
من جهنم ده ده باش یاسدیقا قویسام سنیله
هئچ آییلمام کی دوروب جنت ماوایه گلیم
ننه قارنیندادا سنله اکیز اولسیدیم اگر
ایسته مزدیم دوغولوب بیرده بو دنیایه گلیم
سن یاتیب جنتی رویاده گورنده گئجه لر
من ده جنتده قوش اوللام کی او رویایه گلیم
سن ده صحرایه مارال لارکیمی بیر چیخ نولی کی
من ده صیده چیخانالار کیمی صحرایه گلیم
آالاهوندان سن اگر قورخمیوب اولسان ترسا
قورخورام من ده دونوب دین مسیحایه گلیم
گل چیخاق طور تجلایه سن اول جلوه ی طور
من ده موسی کیمی اوطوره تجلایه گلیم
31528 بازدید
11 بازدید امروز
1 بازدید دیروز
25 بازدید یک هفته گذشته
Powered by Gegli Social Network (Gohardasht.com)
Copyright ©2003-2024 Gegli Social Network (Gohardasht) - All Rights Reserved
Developed by Dr. Mohammad Hajarian